Finnur Tómas var á skýrslu en hefði ekki getað komið inn á

Aron Bjarki Jósepsson var í byrjunarliði KR gegn Keflavík í kvöld. Á bekknum sat Finnur Tómas Pálmason en hann hefði ekki getað komið inn á í leiknum að sögn Rúnars Kristinssonar, þjálfara liðsins.

<i>„Finnur Tómas er meiddur, hann var á skýrslu en hefði ekki getað komið inn á. Hann var meiddur í síðasta leik líka og er búinn að vera það eftir síðasta bikarleik,"</i> sagði Rúnar.