Lengjudeildin: Þór vann Leikni í Boganum

Þór lagði Leikni í Boganum í Lengjudeildinni í dag. Þórsliðið byrjaði mjög vel og Aron Ingi Magnússon kom liðinu yfir eftir að Þór sundurspilaði vörn Leiknis.

Bæði lið fengu tækifæri til að skora í kjölfarið en það var Þór sem bætti við. Þeir komust upp í skyndisókn og Aron renndi boltanum á Rafael Victor. Hann kom boltanum fyrir á fjærstöngina þar sem Juan Guardia var mættur og setti boltann í opið markið.

Leiknismenn voru sterkari í seinni hálfleik og voru hársbreidd frá því að minnka muninn en Ásbjörn Líndal Arnarsson bjargaði á línu eftir skot frá Kára Steini Hlífarssyni.

Atli Þór Sindrason og Orri Sigurjónsson komu inn á í lið Þórs. Orri bjó til dauðafæri fyrir Atla seint í leiknum en skotið framhjá markinu. Það kom ekki að sök fyrir Þórsara sem fóru með sigur af hólmi.

Þór fer upp fyrir Keflavík í 5. sæti með 20 stig. Leiknir er áfram á botninum með níu stig.