Mauricio Pochettino hefur stýrt Tottenham í dágóðan tíma. Pochettino hefur þangað til á þessari leiktíð fengið mikið lof fyrir stjórnarhætti sína hjá félaginu en gengi liðsins hefur ekki verið upp á marga fiska í vetur.

Tottenham hefur gengið illa að sigra leiki í úrvalsdeildinni og situr liðið í 14. sæti deildarinnar sem er langt í frá viðunandi.

Á tímanum 2016-2018 var Pocehttino þekktur fyrir að velja nánast alltaf sama byrjunarliðið. Tímarnir breytast og mennirnir með því Pochettino er ekki lengur í þeim gír.

Pochettino hefur breytt liði sínu milli síðustu 94 leikja liðsins. Pochettino þarf að eiga við það að einhverjar af stjörnum liðsins vilja ekki semja við félagið og hann veit ekki hverjum hann getur treyst til að aðstoða liðið til sigurs.

Jan Vertonghen, Toby Alderweireld, Danny Rose og Christian Eriksen eru þeir leikmenn sem Poch er ekki viss með. Pochettino hefur notast við 4-4-2, 4-2-3-1 og 3-5-2 á leiktíðinni og á enn eftir að finna sitt besta lið.

Tweet

Senda a Facebook Hafdu samband Senda frétt Prenta frétt Frétta leit