mán 13. janúar 2020 08:00
Brynjar Ingi Erluson
Bruno Fernandes kynntur hjá Man Utd í dag eða á morgun
Bruno Fernandes er á leið til Manchester United
Bruno Fernandes er á leið til Manchester United
Mynd: Getty Images
Portúgalska sjónvarpsstöðin TVI24 fullyrðir að enska félagið Manchester United tilkynni kaupin á Bruno Fernandes í dag eða á morgun.

Manchester United og Sporting hafa verið í viðræðum um Fernandes síðustu daga en kaupverðið er talið nema um 70 milljónum evra.

Portúgalska sjónvarpsstöðin hefur verið nákvæm þegar það kemur að félagskiptum leikmann en stöðin greindi fyrst frá félagaskiptum Ruben Neves til Wolves og Joao Felix til Atlético Madrid.

Man Utd hefur verið að eltast við Fernandes í dágóðan tíma en félagið reyndi að fá hann síðasta sumar. Hann endaði þó á því að framlengja við Sporting í nóvember en nú er fjárhagsstaða félagsins erfið og þörf á peningum inn í klúbbinn.

Fernandes verður að öllum líkindum leikmaður Man Utd í dag eða á morgun en þessi skapandi miðjumaður hefur skorað 13 mörk og lagt upp önnur 13 í 24 leikjum á tímabilinu með Sporting.
Athugasemdir
banner
banner
banner
banner