Staðan var markalaus og nokkrar mínútur eftir af síðari hluta framlengingar er Morata var kominn einn í gegn. Valverde hljóp á eftir honum og tæklaði hann.

Valverde fékk að líta rauða spjaldið en hjálpaði Madrídingum samt sem áður að komast í vítakeppnina með þessu athæfi sínu. Real Madrid vann vítakeppnina og var Valverde valinn maður leiksins.

„Ég held að verðlaunin fyrir besta leikmann leiksins hafi verið eðlileg því Valverde vann leikinn með þessari ákvörðun," sagði Simeone.

„Þetta var mikilvægasta ákvörðunartakan í leiknum. Ef leikurinn hefði haldið áfram þá væri þetta líklega mark, þannig ég sagði honum að hafa ekki áhyggjur. Hann gerði það sem hann þurfti að gera," sagði hann í lokin.