mið 13. janúar 2021 06:00
Guðmundur Aðalsteinn Ásgeirsson
Væri frábært að fá inn Sarr en Liverpool þarf miðvörð
Ismaila Sarr er á mála hjá Watford.
Ismaila Sarr er á mála hjá Watford.
Mynd: Getty Images
Kantmaðurinn knái Ismaila Sarr væri frábær leikmaður fyrir Liverpool að mati John Barnes, fyrrum leikmanns félagsins. Hann segir jafnframt að Liverpool þurfi frekar miðvörð.

Sarr, sem er á mála hjá Watford í Championship-deildinni, hefur verið orðaður við Liverpool í síðustu gluggum.

Talið er að hinn 22 ára gamli Sarr kosti 40 milljónir punda en Barnes er á því að það væri sniðugt fyrir Liverpool að kaupa þennan kantmann.

„Hann (Sarr) væri frábær leikmaður að hafa í hópnum," sagði Barnes við BonusCodeBets.

„Hann er hins vegar ekki það sem við þurfum í augnablikinu. Hann væri frábær langtímafjárfesting en akkúrat núna þurfum við miðvörð."

Liverpool hefur verið í vandræðum með meiðsli miðvarða og spurning er hvort félagið fái inn miðvörð í þessum mánuði.
Athugasemdir
banner
banner
banner