Cevher Toktas, varnarmaður Bursa Yildirim Spor í Tyrklandi, gaf sig fram við lögreglu á dögunum og lýsti því yfir að hann hefði myrt fimm ára gamlan son sinn.
Toktas fór með son sinn á sjúkrahús þann 23. april þar sem hann átti erfitt með að anda og var með háan hita. Talið var að hann væri með kórónaveiruna.
Toktas fór með son sinn á sjúkrahús þann 23. april þar sem hann átti erfitt með að anda og var með háan hita. Talið var að hann væri með kórónaveiruna.
Sonur Toktas var settur á gjörgæsludeild en hann lést í kjölfarið og talið var að dánarorsök væri kórónaveiran.
Ellefu dögum síðar fór Toktas til lögreglu og sagðist hafa myrt son sinn á sjúkrahúsinu með því að setja kodda yfir höfuð hans í 15 mínútur þannig að drengurinn gat ekki andað. Toktas kallaði síðan á lækna og óskaði eftir hjálp.
Læknar komu þá inn í herbergið og sáu að sonur Toktas var látinn. Engar grunsemdir vöknuðu þó um að Toktas ætti þátt í andláti hans.
Toktas sagði við lögreglu að hann hafi myrt son sinn þar sem hann hafi ekki elskað hann og hafi ekki gert það síðan hann fæddist.
Hinn 32 ára gamli Toktas spilaði í tyrknesku úrvalsdeildinni frá 2007 til 2009 og hefur síðan þá spilað í neðri deildunum.
Toktas var handtekinn en hann á yfir höfði sér lífstíðar fangelsi fyrir að myrða nákominn ættingja.
Athugasemdir
