Stjarnan hefur fengið mikinn liðsstyrk fyrir seinni hluta Pepsi Max-deildarinnar.
Félagið er búið að semja við danska miðjumanninn Casper Sloth.
Sloth er 29 ára gamall miðjumaður með feril sem á ekki alveg heima í Pepsi Max-deildinni, ef satt skal segja. Hann hefur hins vegar mikið verið meiddur að undanförnu.
Hann er uppalinn hjá AGF en fór svo til Leeds á Englandi. Sloth hefur einnig spilað með AaB, Silkeborg, Motherwell, Notts County og síðast Helsingør.
Sloth var mikið efni á sínum tíma og á hann níu A-landsleiki að baki fyrir Danmörku.
Hann verður löglegur með Stjörnunni þegar félagaskiptaglugginn opnar í næsta mánuði, 1. júlí. Stjarnan vann sinn fyrsta leik í Pepsi Max-deildinni í gær - gegn Val - og er núna í tíunda sæti með sex stig eftir átta leiki.
Athugasemdir