Málfríður Anna
„Þetta er bara æðislegt, við höfum ekki unnið hérna í mörg ár þannig þetta er frábært. Allt liðið spilaði frábærlega í dag," sagði Málfríður Anna Eiríksdóttir, markaskorari Vals, eftir sigur á Breiðabliki í kvöld.
„Við spiluðum okkar leik og sóttum til sigurs, við vorum aldrei að hugsa um neitt jafntefli. Liðsheildin skóp sigurinn."
„Við spiluðum okkar leik og sóttum til sigurs, við vorum aldrei að hugsa um neitt jafntefli. Liðsheildin skóp sigurinn."
Lestu um leikinn: Breiðablik 0 - 1 Valur
Málfríður skoraði eina mark leiksins eftir hornspyrnu Dóru Maríu Lárusdóttir á tólftu mínútu.
„Dóra kemur með boltann á fjær, ég held að ég hafi reyndar átt að hlaupa á nær en ákvað samt að hlaupa á fjær og náði að skalla hann inn af stuttu færi."
Það skilar sér stundum að gera ekki það sem lagt er upp með að gera? „Já, það gerir það stundum, ég var búinn að gleyma aðeins hvert ég ætti að fara."
Hversu ljúft var að sjá boltann liggja í netinu?
„Frábært, ég vissi ekki hvernig ég ætti að haga mér. Ég skora mjög sjaldan og stelpurnar voru að gera grín að því inn í klefa að ég hefði verið eins og einhver vofa þarna."
Sjö stiga forskot í deildinni, er þetta komið?
„Alls ekki, við erum búnar að eiga ógeðslega erfiða leiki gegn eiginlega öllum liðum. Síðasti leikur á móti ÍBV var ógeðslega erfiður og við vorum eiginlega heppnar að vinna hann. Við þurfum að mæta í alla leiki, við eigum þrjá erfiða leiki sem við þurfum að klára," sagði Málfríður.
Viðtalið í heild má sjá í spilaranum að ofan
Athugasemdir
