Wayne Rooney er þjálfari Guðlaugs Victors Pálssonar hjá DC United í MLS deildinni í Bandaríkjunum.
DC keypti Guðlaug Victor af Schalke fyrir um hálfa milljón evra í sumar. Victor, 31 árs, gerði tveggja og hálfs árs samning við félagið sem félagið getur svo framlengt um eitt ár til viðbótar.
Wayne Rooney er þjálfari DC United og var hann spurður út í Victor á fréttamannafundi.
„Hann vill ólmur æfa og spila fótbolta. Ég er mjög ánægður með hans vinnuframlag á æfingum og hann mun vera notaður. Þetta er náttúrulegur leiðtogi sem við þurfum á að halda," sagði Rooney fyrir leik DC gegn fyrrum liðsfélögum Arnórs Ingva Traustasonar í New England Revolution.
Hjá DC mun Victor meðal annars spila með Christian Benteke, Ravel Morrison og Ola Kamara.
Athugasemdir