Meistaradeild kvenna: Emelía heimsótti Arsenal

Danska stórveldið Köge sýndi frábæra frammistöðu í London og hélst staðan markalaus allt þar til í uppbótartíma venjulegs leiktíma, þegar spænska landsliðskonan Mariona Caldentey skoraði úr vítaspyrnu.

Arsenal var sterkara liðið í leiknum en skapaði sér lítið af marktækifærum. Emelía kom inn af bekknum á 72. mínútu og fékk því að spila rúmlega 20 mínútur í tapinu nauma. Lokatölur 1-0.

Á sama tíma gerði Real Madrid jafntefli við Paris Saint-Germain í stórleik í spænsku höfuðborginni. Heimakonur í liði Real voru sterkari aðilinn stærsta hluta leiksins eftir að hafa náð forystunni snemma, en gestirnir frá París náðu að jafna með marki úr vítaspyrnu í síðari hálfleik. Lokatölur 1-1.

18 ára gömul Felicia Schröder skoraði fyrir Real áður en hin reynslumikla Sakina Karchaoui jafnaði úr víti.

Að lokum tapaði Juventus heimaleik gegn Benfica. Gestirnir frá Portúgal náðu tveggja marka forystu í nokkuð jöfnum slag áður en Alba Redondo minnkaði muninn á lokakaflanum, en nær komust heimakonur ekki. Benfica vann 1-2 þökk sé tvennu frá hinni norsku Marit Bratberg.

Arsenal W 1 - 0 Koge W
1-0 Mariona Caldentey ('93, víti)

Juventus W 1 - 2 SL Benfica W
0-1 Marit Bratberg ('40, víti)
0-2 Marit Bratberg ('61 )
1-2 Alba Redondo ('86 )

Real Madrid W 1 - 1 PSG W
1-0 Felicia Schroder ('2 )
1-1 Sakina Karchaoui ('74, víti)