Jota snýr aftur - Ekki auðvelt að finna mínútur fyrir Chiesa

Chiesa.

Mynd: Getty Images

Diogo Jota.

Mynd: Getty Images

Chiesa.

Mynd: Getty Images

Arne Slot, stjóri Liverpool, sagði á fréttamannafundi í dag að Diogo Jota gæti snúið aftur í leikmannahóp Liverpool fyrir leikinn gegn Fulham sem fram fer á morgun.

Portúgalski sóknarmaðurinn Jota hefur frá vegna meiðsla síðan í lok október og Federico Chiesa gæti einnig verið með.

„Ég held þeir verði til taks. Við eigum eina æfingu eftir," sagði Slot á fundinum í dag.

„Federico hefur misst talsvert mikið úr. Við þurfum að sjá til. Kannski verður Diogo í hópnum, kannski Federico líka."

Slot tjáði sig frekar um ítalska kantmanninn Chiesa sem hefur einungis spilað 18 mínútur í úrvalsdeildinni frá komu sinni frá Juventus í sumar.

„Það sem hann þarf eru mínútur á vellinum. Þegar þú hefur ekki spilað 5-6 mánuði þá er stundum erfitt fyrir stjóra að gefa mínútur því þú veist ekki við hverju er að búast. Kannski er leikurinn gegn Southampton góður til að gefa honum mínútur. Hann þarf að komast í sitt form. Hann þarf mínútur. En það er ekki auðvelt að finna mínútur," sagði Slot. Leikurinn gegn Southampton fer fram í næstu viku og er í deildabikarnum.

Alisson Becker sneri aftur í lið Liverpool gegn Girona í vikunni og eru allar líkur á að hann verji marki Liverpool á morgun. Leikurinn gegn Fulham hefst klukkan 15:00 á morgun og fer fram á Anfield.

Diogo Jota.

Mynd: Getty Images

Stöðutafla

#	Lið	L	mun	Stig
1	Man City	2	+4	6
2	Arsenal	2	+4	6
3	Hull City	2	+3	6
4	Chelsea	2	+2	6
5	Liverpool	3	+2	5
6	Brentford	2	+3	4
7	Newcastle	2	+2	4
8	Everton	2	+2	4
9	Leeds	2	+1	4
10	Brighton	2	+3	3
11	Man Utd	2	+1	3
12	Sunderland	2	0	3
13	Ipswich Town	3	-4	3
14	Bournemouth	2	-1	1
15	Nott. Forest	2	-1	1
16	Fulham	2	-2	0
17	Coventry	2	-4	0
18	Crystal Palace	2	-5	0
19	Aston Villa	2	-5	0
20	Tottenham	2	-5	0