Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 14. janúar 2020 20:00
Ívan Guðjón Baldursson
Sky: Chelsea hætt við Nathan Ake og Callum Wilson
Mynd: Getty Images
Sky Sports greinir frá því að áhugi Chelsea á Nathan Ake og Callum Wilson, leikmönnum Bournemouth, er ekki lengur til staðar.

Ake var eitt sinn leikmaður Chelsea og getur félagið keypt hann til baka fyrir 40 milljónir punda. Verðmiðinn á Callum Wilson er talinn vera svipaður þrátt fyrir að hann sé ekki búinn að skora í ensku deildinni síðan í lok september.

Chelsea beinir því athygli sinni að öðrum leikmönnum en ljóst er að félagið vill kaupa sóknarmann fyrir lok vetrargluggans. Frank Lampard vill alvöru samkeppni fyrir Tammy Abraham í framherjastöðunni.

Eddie Howe, þjálfari Bournemouth, er eflaust sáttur með þessar fregnir. Hann þarf á lykilmönnum sínum að halda í fallbaráttunni sem er framundan.
Athugasemdir
banner
banner
banner
banner