„Við eigum ekki aðra kosti en að gera þennan leik að þeim mikilvægasti í lífinu. Spilum þannig á laugardag og reynum allt til að vinna hann," sagði Jurgen Klopp, stjóri Liverpool, á fréttamannafundi í dag fyrir leikinn gegn Norwich á morgun.

Norwich situr á botni ensku úrvalsdeildarinnar en Klopp segir ekkert vanmat í boði gegn þeim.

„Fólk heldur að þetta verði auðvelt því það hugsar þetta ekki út í gegn og horfir bara á töfluna. Við vitum að við getum lent í vandræðum og við vitum líka að við getum látið þá lenda í vandræðum."

„Ég er mjög hrifinn af því að þeir hafa haldið sig við sín gildi. Leikurinn gegn þeim í ágúst er gott dæmi um tímabilið þeirra. Þeir spiluðu mjög góðan fótbolta og eru með frábæran þjálfara. Þeir fengu fjögur mörk á sig þar en gáfust aldrei upp. Þeir hafa látið 95% liða lenda í vandræðum."

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit