Nökkvi Þeyr spilaði hálftíma með St. Louis í kvöld
Nökkvi Þeyr Þórisson og hans menn í St. Louis unnu 1-0 sigur á Austin FC í MLS-deildinni í kvöld.
Dalvíkingurinn hefur ekki fengið margar mínútur í undanförnum leikjum en í kvöld fékk hann hálftíma til að spreyta sig.
Hann kom inn á í stöðunni 1-0 og hjálpaði liðinu sínu að landa sigrinum,
St. Louis er í 8. sæti Vestur-deildarinnar með 11 stig eftir átta leiki en Nökkvi hefur komið við sögu í fimm þeirra.
Óttar Magnús Karlsson kom þá inn af bekknum á 73. mínútu er Vis Pesaro lagði Perugia að velli, 1-0, í C-deildinni á Ítalíu.
Vis Pesaro var manni færri en Óttar og hans menn náðu að halda út. Liðið er í 18. sæti B-riðils með 36 stig.
Athugasemdir
