Grótta sem eru nýliðar í Lengjudeildinni tryggðu sér sæti í 8-liða úrslitum Mjólkurbikarsins í dag með stórsigri á Ísafirði gegn ríkjandi bikarmeisturum Vestra.
Lestu um leikinn: Vestri 0 - 4 Grótta
Fótbolti.net ræddi við Rúnar Pál Sigmundsson, þjálfara Gróttu eftir leikinn.
"Frábær frammistaða hjá mínum mönnum, við vorum þvílíkt gíraðir í þennan leik og þetta var sannfærandi sigur. Við pressuðum þá vel, skoruðum frábær mörk og við fegnum fullt af færum, við hefðum getað skorað fleiri mörk."
"Ég er mjög ánægður með liðið og er stoltur af drengjunum."
Björgvin Brimi Andrésson og Mattías Kjeld voru mjög sprækir á köntunum í dag, ertu sáttur með þeirra frammistöðu?
"Ég er aðallega ánægður með frammistöðu liðsins, þetta var sigur liðsheildar og stemmingu, við vorum mjög agaðir í því sem við gerðum. Björgvin og Mattías voru góðir ásamt öllum örðum."
Grótta er nú með tvo sigra í röð í deild og bikar eftir að hafa byrjað tímabilið í Lengjudeildinni á tveimur töpum í röð.
Hvernig ætlið þið að taka þessa frammistöðu fylgja henni í næsta leik gegn Aftureldingu?
"Við fögnum í dag en á morgun byrjar undirbúningur fyrir Aftureldingu og þá þurfa menn að núllstilla sig og halda áfram, okkur veitir ekkert af góðri frammistöðu gegn Aftureldingu."
Grótta fer í Árbæinn og mæta Fylki í 8-liða úrslitunum Mjólkurbikarsins.
