Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   fös 14. ágúst 2020 08:20
Elvar Geir Magnússon
Chilwell orðaður við Man Utd - City hefur áhuga á Winks
Powerade
Ben Chilwell.
Ben Chilwell.
Mynd: Getty Images
Harry Winks.
Harry Winks.
Mynd: Getty Images
Thomas Partey.
Thomas Partey.
Mynd: Getty Images
Það er föstudagur og slúðurpakkinn er stútfullur af gómsætu efni. Chilwell, Thiago, Sancho, Winks, Ighalo, Oblak, Willian, Dybala og fleiri eru í pakkanum að þessu sinni.

Manchester United hyggst keppa við Chelsea um að fá enska vinstri bakvörðinn Ben Chilwell (23) frá Leicester City. Settur hefur verið 80 milljóna punda verðmiðið á Chilwell. (Mirror)

Sebastian Kehl, yfirmaður fótboltaaðgerða hjá Borussia Dortmund. hefur ítrekað að Jadon Sancho (20) verði áfram hjá félaginu. (Manchester Evening News)

Dortmund telur að spænsku risarnir Barcelona og Real Madrid muni reyna að fá Sancho eftir eitt ár ef United nær ekki að kaupa hann í sumar. (Mirror)

Paris Saint-Germain hefur áhuga á að fá Odion Ighalo (31) sem er á lánssamningi hjá Manchester United. (Daily Express)

Manchester City gæti gert óvænt 40 milljóna punda tilboð í Harry Winks (24), miðjumann Tottenham. Jose Mourinho er tilbúinn að selja hann. (Sun)

Slóvenski markvörðurinn Jan Oblak (27) hjá Atletico Madrid skoðar framtíð sína en sagt er að Chelsea hafi áhuga. (AS)

Manchester City hefur áhuga á Kalidou Koulibaly (29), miðverði Napoli. Hinsvegar hefur City ekki áhuga á Thiago Alcantara (29), miðjumanni Bayern München. (Manchester Evening News)

Englandsmeistarar Liverpool eru búnir að hafa samband við Þýskalandsmeistara Bayern München varðandi möguleg kaup á spænska miðjumanninum Thiago Alcantara (29). (Bild)

Liverpool hefur hinsvegar ekki áhuga á brasilíska framherjanum Talles Magno (18) hjá Vasco da Gama en hann hefur verið orðaður við félagið. (Standard)

Arsenal mun tilkynna um samning við Willian (32) um helgina en samningur hans við Chelsea er runninn út. (Telegraph)

Arsenal mun láta Willian fá samning sem færir honum 220 þúsund pund í vikulaun og greiðslu við undirskrift. (Mail)

West Ham United vill fá yfir 80 milljónir punda fyrir enska miðjumanninn Declan Rice (21) sem er á óskalista Chelsea. (Times)

Manchester United og Tottenham gætu fengið annað tækifæri til að kaupa argentínska sóknarleikmanninn Paulo Dybala (26) frá Juventus í sumar. (Mirror)

Andrea Pirlo, nýr stjóri Juventus, hefur sagt argentínska sóknarmanninum Gonzalo Higuain (32) og þýska miðjumanninum Sami Khedira (33) að þeir geti yfirgefið félagið. (Goal)

Manchester United mun fara fram á að fá 20 milljónir punda frá Roma fyrir miðvörðinn Chris Smalling (30) sem er tilbúinn að taka á sig launalækkun til að ganga alfarið í raðir ítalska félagsins. (Sun)

Arsenal fær líklega samkeppni frá Juventus um miðjumanninn Thomas Partey (27). Ganverjinn er hjá Atletico Madrid. (Gazzetta Dello Sport)

Napoli er tilbúið að ná samkomulagi við Everton sem vill fá brasilíska miðjumanninn Allan (29). (Express)

Emeron Palmieri (26), ítalski vinstri bakvörðurinn hjá Chelsea, hefur náð munnlegu samkomulagi við Inter á Ítalíu. (Calciomercato)

Chelsea er líklegra en Arsenal til að fá spænska vinstri bakvörðinn Sergio Reguilon (23) frá Real Madrid. Ástæðan er sú að Chelsea verður í Meistaradeildinni. (AS)

Umboðsmaður brasilíska landsliðsmannsins Philippe Coutinho (28) segir að miðjumaðurinn gæti verið áfram hjá Barcelona. (TalkSport)

Stoke City hefur lækkað verðmiðann á enska markverðinum Jack Butland (27) í 8-10 milljónir punda. (Sky Sports)
Athugasemdir
banner
banner