Roberto Firmino, sóknarmaður Liverpool, sýndi flotta frammistöðu þegar Liverpool vann Newcastle í ensku úrvalsdeildinni í hádeginu. Hann kom inn á sem varamaður og stóð sig vel.
Firmino skoraði ekki, en hann er ávallt gríðarlega mikilvægur fyrir sitt lið. Hann lagði upp þriðja og síðasta mark Liverpool í leiknum, fyrir Mohamed Salah. Sendingin var stórkostleg og má sjá hana neðst í fréttinni.
Troy Deeney, sóknarmaður Watford, er ekki að spila þessa stundina vegna meiðsla. Hann fór því í sjónvarpið í dag og var sérfræðingur hjá Sky Sports. Hann hrósaði Firmino mikið.
„Ég held að hann sé líklega besti sóknarmaður (nían) í deildinni. Að mínu mati alla vega," sagði Deeney.
„Ef þú ert knattspyrnustjóri, þá viltu hafa einhvern sem getur lokað vel á varnarlínuna einn síns liðs, tengt spilið saman, komið stutt - hann skorar mörk og leggur upp. Hann er sá besti í augnablikinu."
Hneigðu þig, Bobby! pic.twitter.com/SOb0J9imwZ
— Síminn (@siminn) September 14, 2019
Athugasemdir