Grótta gerði heldur góða ferð suður með sjó í dag þegar þeir heimsóttu botnlið Njarðvíkur á Rafholtsvellinum þegar flautað var til leiks í 21.Umferð Inkasso deildar karla.
Grótta hefði með sigri og hagstæðum úrslitum í öðrum leikjum getað tryggt sér sæti í Pepsi Max deild karla að ári.
Grótta hefði með sigri og hagstæðum úrslitum í öðrum leikjum getað tryggt sér sæti í Pepsi Max deild karla að ári.
Lestu um leikinn: Njarðvík 1 - 2 Grótta
„Tilfiningin eftir sigurinn er frábær. Hrikalega erfiður leikur við erfiðar aðstæður en það er töluvert verk óunnið enn og við eigum mjög erfiðan leik á móti Haukum í lokaumferðinni þar sem við þurfum að fá allavega eitt stig." Sagði Halldór Árnason aðstoðarþjálfari Gróttu eftir leikinn í dag.
Gróttu virðist vera að takast hið ómögulega en það eru ekki margir sem gerðu ráð fyrir þessari stöðu hjá Gróttu fyrir mót og margir sem velta fyrir sér hvernig þeir fara að þessu.
„Það er frábær spurning og væri örugglega tilefni í eitthvað lengra og ýtarlegra spjall en okkur hefur tekist að halda hópnum nokkuð vel á tánnum. Tekið einn leik í einu og lifað í núinu en svo misstum við menn of lang frá okkur eftir sigurinn á móti Grenivík og við fengum skell á móti Aftureldingu en menn stigu þvíllíkt upp aftur í dag og nú er okkar verkefni að halda mönnum á jörðinni fyrir síðasta leikinn."
„Það hefur gengið mjög vel í sumar og kannski eru það við þjálfararnir sem hefðum átt að grípa einhvernveginn öðruvísi inní en menn flugu helvíti nálægt sólinni eftir Grenivíkurleikinn þannig að við lærðum af því og nei það hefur ekki verið erfitt, menn hafa tæklað þetta sumar fagmannlega og vel heilt yfir."
Grótta hefur verið með yfirlýsta stefnu sem felur í sér að leikmenn liðsins eru ekki á launum frá félaginu en nú þegar Pepsi Max virðist handan við hornið var tilefni til að spyrjast fyriri um hvort hörfað verði frá þessari stefni fari svo að liðið fari upp og geti þá jafnvel verið samkeppnishæft á markaðinum í efstu deild.
„Ég geri ekki ráð fyrir því. Við þurfum að byrja klára þetta tímabil og hvað sem verður í Inkasso eða Pepsi þá fóru menn með ákveðna hugsjón af stað og auðvitað er alltaf hægt að læra af hlutunum og allt það en í grunninn verður væntanlega keyrt áfram bara á nákvæmlega sömu hugmyndafræði."
Mikið hefur verið rætt um þjálfara störf í efstu deild á Íslandi en geir Halldór ráð fyrir því að hann og Óskar Hrafn haldi áfram með Gróttu á næsta ári.
„Það bara kemur í ljós eins og allt annað. Við ætlum bara að klára mótið og spila þennan stóra leik við Hauka og svo taka menn bara næstu skref og við sjáum hvað verður."
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir