Werner fiskaði vítaspyrnu og fékk fína dóma fyrir sýna frammistöðu. Hann var tekinn í viðtal eftir leikinn og lét hann skemmtileg ummæli falla þar sem hann lýsti ensku úrvalsdeildinni nokkuð vel.

„Enska úrvalsdeildin er öðruvísi. Ég hef aldrei spilað gegn þremur varnarmönnum sem eru svona stórir, sterkir og stæðilegir varnarmenn," sagði Werner brosandi.

„Leikurinn sjálfur var skemmtilegur fannst mér. Sérstaklega í fyrri hálfleik þar sem ég fékk mikið pláss til að hlaupa í. Við klúðruðum síðustu sendingunni svolítið oft í dag en ef við lögum það þá eigum við eftir að skapa helling af færum í leikjum," sagði Werner.