Skoraði flautusigurmark gegn Juventus sem hann „vildi ekki skora“

Svartfellingurinn Vasilije Adzic skoraði sigurmark Sassuolo með síðustu spyrnu leiksins þegar liðið vann Juventus 3-2 í hádramatískum leik í ítölsu A-deildinni í kvöld.

Adzic vildi ekki fagna markinu enda var hann að skora gegn sínu félagi, hann kom til Sassuolo á láni frá Juventus í sumar.

„Þetta er rosalega skrítin tilfinning. Á þessum degi fyrir ári síðan skoraði ég mitt fyrsta mark fyrir Juventus og núna skora ég á móti félaginu mínu," segir Adzic.

Markið sem hann vitnar í fyrir ári síðan var líka sigurmark í uppbótartíma, í 3-2 sigri Juve gegn Inter í Derby d’Italia.

Adzic, sem er tvítugur miðjumaður, er kominn með þrjú mörk fyrir Sassuolo en félagið er með ákvæði um að geta keypt hann eftir tímabilið. Í ítölskum fjölmiðlum er mikið rætt og ritað um að Adzic gæti vel nýst Juventus í dag en liðið er að ganga í gegnum mikil meiðslavandræði. Hann var spurður út í þá umræðu.

„Ég get ekki svarað því, því miður," sagði Adzic broasandi. „Ég kom fyrir mánuði síðan til Sassuolo og þjálfarinn hefur lagt mikið traust á mig, sem er mikilvægt fyrir ungan leikmann. Ég vil vaxa sem leikmaður og það er mikilvægt fyrir mig að fá stöðugan leiktíma."

Sigurmarkið má sjá hér að neðan.