Hákon í byrjunarliðinu hjá FC Kaupmannahöfn

Hinn 17 ára gamli Hákon Arnar Haraldsson er í byrjunarliðinu hjá FC Kaupmannahöfn sem mætir Hvidovre í æfinga leik í dag.

Hákon hefur raðað inn mörkum með U19 ára liði FCK og fær tækifæri með aðalliðinu í dag.

Hákon kom til FCK frá ÍA árið 2019 en hann hefur spilað með öllum yngri landsliðum Íslands.

Vetrarfrí er í gangi í dönsku úrvalsdeildinni en keppni hefst þar á ný í byrjun febrúar. Fram að því spilar FC Kaupmannahöfn nokkra æfingaleiki.