Svíþjóð: Arnór Ingvi skoraði í átta marka sigri

Arnór Ingvi Traustason var í byrjunarliði Malmö sem tók á móti Syrianska í fyrstu umferð sænska bikarsins í dag.

Arnór og félagar gerðu sér lítið fyrir og gjörsamlega rúlluðu yfir andstæðinga sína.

Arnór Ingvi skoraði þriðja og síðasta mark fyrri hálfleiksins á 23. mínútu.

Liðsfélagar hans bættu fimm mörkum við eftir leikhlé og urðu lokatölur 8-0.

Nói Snæhólm Ólafsson var ekki í leikmannahópi Syrianska, sem féll úr B-deildinni í fyrra.