Leiknir Reykjavík hefur sent frá sér tilkynningu þar sem er greint frá því að félagsheimilinu verði lokað út af smithættu á kórónuveirunni.
Tilkynning Leiknis:
Á morgun, mánudag, verður frí frá æfingum hjá Leikni þar sem við vinnum í að útbúa nýtt skipulag fyrir næstu vikur.
Við munum setja saman nýjar æfingatöflur sem verða settar inn á síður flokkanna. Þjálfarar munu haga æfingum þannig að sem mesta öryggis sé gætt.
Við höfum ákveðið að Leiknishúsið verði lokað og klefarnir því ekki í notkun á meðan samkomubann stendur yfir. Iðkendur eiga að mæta tilbúnir á æfingar og passa vel upp á hreinlæti, fyrir og eftir æfingar.
Við hvetjum fólk til að vera meðvitað um ástandið en frekari reglur verða kynntar samhliða nýjum æfingatöflum.
Leiknir hefur ákveðið að félagsheimilið verði lokað meðan á samkomubanni stendur. Breytingar verða gerðar á æfingatöflum svo fyllsta öryggis sé gætt. #StoltBreiðholts https://t.co/2pEwtwBR5D pic.twitter.com/QWG8fqS8gh
— Leiknir Reykjavík FC (@LeiknirRvkFC) March 15, 2020
Athugasemdir