Emery: Magnað að spila í Evrópu fjórða árið í röð

Þetta er dýrmætur sigur fyrir Villa sem tryggir liðinu þátttökurétt í deildarkeppni Meistaradeildarinnar á næstu leiktíð.

„Þetta eru stórkostleg úrslit sem þýða að við höfum náð okkar helsta markmiði á tímabilinu. Þetta var erfiður fyrri hálfleikur en við vorum frábærir í seinni hálfleik. Ég er mjög þakklátur stuðningsmönnum fyrir stemninguna sem þeir sköpuðu," sagði Emery eftir sigurinn frækna.

„Það er stórkostlegt að vera búnir að tryggja okkur aftur í Meistaradeildina. Það er magnað að spila í Evrópu fjórða árið í röð. Það er ekki auðvelt að vera samkeppnishæfir bæði í úrvalsdeildinni og í Evrópu á sama tíma, en við höfum staðið okkur ótrúlega vel allt tímabilið. Ég er svo stoltur af strákunum.

„Núna fer öll okkar einbeiting í úrslitaleik Evrópudeildarinnar. 100% einbeiting. Það er mjög erfitt að spila úrslitaleiki og við ætlum að njóta stundarinnar."

Aston Villa spilar úrslitaleik Evrópudeildarinnar við Freiburg næsta miðvikudagskvöld.

TENGT EFNI15.05.26 - 20:57

England: Aston Villa skoraði fjögur gegn Liverpool