FIFA hefur tilkynnt að fjórir leikir verða á hverjum degi þegar riðlakeppni HM 2022 fer fram í Katar. Mótið fer fram 21.nóvember-18. desember en leikið er að vetri til þar sem gífurlegur hiti er í Katar á sumrin.
Riðlakeppnin fer fram yfir 12 daga tímabil og lið fá þriggja daga hvíld á milli leikja.
Leikið verður klukkan 10:00, 13:00, 16:00 og 19:00 að íslenskum tíma en tímamismunurinn við Katar er þrír tímar.
Riðlakeppnin fer fram yfir 12 daga tímabil og lið fá þriggja daga hvíld á milli leikja.
Leikið verður klukkan 10:00, 13:00, 16:00 og 19:00 að íslenskum tíma en tímamismunurinn við Katar er þrír tímar.
Stutt er á milli leikvalla og stuðningsmenn gætu náð að fara á tvo leiki sama daginn, ólíkt flestum öðrum heimsmeistaramótum.
Úrslitaleikurinn mun fara fram fyrir framan 80 þúsund manns í Doha sunnudaginn 18. desember klukkan 15:00.
Dregið verður í riðla fyrir undankeppni HM þann 1. desember næstkomandi en Ísland er í pottinum þar.
Athugasemdir