Tækifærin voru orðin af skornum skammti hjá City en félagið framlengdi ekki samninginn hans og því var honum frjálst að yfirgefa félagið þegar samningurinn rann út í sumar.

Aguero segir að hann og Guardiola hafi ekki alltaf verið sammála en þeir hafi þó aldrei rifist.

„Hann er þjálfari sem vill alltaf það besta frá öllum. Ef hann er með hugmynd í hausnum framkvæmir hann hana. Honum er alveg sama ef hann skilur eftir leikmann sem hafði skorað þrennu í síðasta leik. Honum er alveg sama hvað leikmaðurinn heitir nema ef hann heitir Messi."

Aguero var í tíu tímabil hjá City og skoraði 260 mörk í 390 leikjum.