15.11.19 - 11:00
Magnús Már Einarsson
Vel launaður Lippi hættir í annað skipti með landslið Kína
Mynd: Getty Images
Mynd: Getty Images
Gamli refurinn Marcelo Lippi hefur sagt upp störfum sem landsliðsþjálfari Kína í annað skipti á þessu ári.
Hinn 71 árs gamli Lippi hætti í janúar eftir að Kína datt út í 8-liða úrslitum í Asíubikarnum.
Fabio Cannavaro tók við en hann var einungis í starfi í tvo leiki áður en Lippi tók aftur við í maí.
Hinn 71 árs gamli Lippi hætti í janúar eftir að Kína datt út í 8-liða úrslitum í Asíubikarnum.
Fabio Cannavaro tók við en hann var einungis í starfi í tvo leiki áður en Lippi tók aftur við í maí.
Lippi ákvað hins vegar að segja af sér í dag eftir 2-1 tap Kína gegn Sýrlandi í undankeppni HM í gær. Kína er nú fimm stigum á eftir Sýrlandi í riðlinum.
„Ég var vel launaður og ég tek fulla ábyrgð. Ég segi hér með upp störfum og verð ekki áfram þjálfari Kína," sagði Lippi.
„Ég var vel launaður og ég tek fulla ábyrgð. Ég segi hér með upp störfum og verð ekki áfram þjálfari Kína," sagði Lippi.
