Roma tók á móti Spal í ítölsku Seríu A í dag. Spal. sem var fyrir leikinn í botnsæti deildarinnar, komst yfir undir lok fyrri hálfleiks með mark úr vítaspyrnu.

Rómverjar komu til baka í seinni hálfleik með þremur mörkum og tryggðu sigurinn. Lorenzo Pellegrini hóf endurkomuna á 53. mínútu.

Á 66. mínútu fengu heimamenn vítaspyrnu og Diego Perotti skoraði úr henni og kom Rómverjum yfir. Það var svo varamaðurinn Henrikh Mkhitaryan sem innsiglaði sigurinn á 83. mínútu. Mkhitaryan kom inn á fjórum mínútum áður en hann skoraði.

Roma er eftir leikinn í 4. sæti en Cagliari getur jafnað við Roma með sigri gegn Lazio á morgun. Lokaleikur dagsins hefst innan skamms þegar Fiorentina og Inter mætast í beinni útsendingu.

Önnur úrslit:
Ítalía: Frábær endurkoma Verona - Ronaldo skoraði tvö