Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 15. desember 2019 13:00
Sæbjörn Þór Þórbergsson Steinke
Salah skorað þrjú mörk í röð með hægri - „Hef verið að æfa hægri löppina"
Mynd: Getty Images
Mo Salah, leikmaður Liverpool, hefur skorað síðustu þrjú mörk sín með hægri fætinum. Salah er örvfættur og ekki þótt frábær með hægri fæti.

Annað mark Liverpool gegn Red Bull Salzburg, í 0-2 sigri á þriðjudaginn í síðustu viku, skoraði Salah og það kom úr mjög þröngu færi með hægri fæti.

Þá skoraði hann bæði mörk Liverpool í 2-0 heimasigri gegn Watford í gær. Bæði skoraði hann með hægri fæti.

„Ég hef verið að æfa hægri löppina," sagði Salah við BT Sport eftir leik í gær.

„Fyrra markið var heppni fyrir okkur. Ég fékk góða sendingu í skyndisókn og markið kom á frábærum tíma fyrir okkur."

„Við spiluðum gegn góðu liði í dag sem gerði okkur erfitt fyrir. Watford ætti, miðað við frammistöðuna í dag, að vera í betri málum í deildinni."


Salah hélt ásamt samherjum sínum til Katar þar sem Liverpool tekur þátt í HM félagslilða næstu vikuna.
Athugasemdir
banner
banner
banner