England í dag - Úlfarnir á Anfield og barátta í Lundúnum

Það eru tveir áhugaverðir leikir í úrvalsdeildinni í Liverpool og Lundúnum í dag.

Það var mikið áfall fyrir Liverpool á dögunum að missa niður forskot gegn grönnum sínum í Everton á lokasekúndum leiksins. Arne Slot fékk rautt spjald en Liverpool fær tækifæri fram að miðvikudag að svara dómnum og Slot verður því á hliðarlínunni gegn Wolves á Anfield í dag.

Það er síðan áhugaverður slagur á heimavelli Tottenham þar sem Man Utd mætir í heimsókn.

LIðin sitja í 14. og 15. sæti en Man Utd varð fyrir áfalli í gær þegar í ljós kom að Amad Diallo verði frá út tímabilið og Kobbie Mainoo næstu vikurnar. Tottenham hefur verið í meiðslavandræðum en Brennan Johnson, Destiny Udogie, Guglielmo Vicario og James Maddison verða allir klárar fyrir leik dagsins.