Benfica mætir Real Madrid í umspili um sæti í 16-liða úrslitum Meistaradeildarinnar. Benfica vann dramatískan sigur í lokaumferð deildakeppninnar þar sem markvörðurinn Anatoliy Trubin skoraði sigurmarkið gegn Real Madrid. Sigurinn tryggði Benfica sæti í umspilinu.
Jose Mourinho stýrir Benfica og er staðráðinn í að vinna stórlið Real Madrid.
„Mig langar mjög mikið að slá Madrid úr leik. En ég vil að Arbeloa vinni spænsku deildina og verði áfram þarna í mörg ár því hann er mjög hæfileikaríkur. Hann er Madrídingur og er með stóran persónuleika," sagði Mourinho.
Alvaro Arbeloa tók við Real Madrid af Xabi Alonso í síðasta mánuði. Mourinho stýrði Real frá 2010-2013 en þá var Arbeloa leikmaður liðsins.
Athugasemdir
