mán 16. maí 2022 11:45
Elvar Geir Magnússon
Aldrei meiri bjartsýni hjá Real Madrid að Mbappe komi
Mbappe að færast nær Real Madrid.
Mbappe að færast nær Real Madrid.
Mynd: Getty Images
Það er meiri bjartsýni en nokkru sinni fyrr hjá Real Madrid að Kylian Mbappe gangi í raðir félagsins í sumar. Viðræður hafa átt sér stað undanfarna daga og gengið vel.

Samningur Mbappe við Paris St-Germain rennur út í næsta mánuði og búast Madrídingar við því að hann hafni tilboði um framlengingu og mæti á Bernabeu.

Marca segir að Mbappe sé á barmi þess að skrifa undir fimm ára samning við Real Madrid.

Mbappe sagði í gær að ákvörðun um framtíð hans yrði tilkynnt á næstunni, hann væri nánast búinn að taka ákvörðun.

Mbappe gekk í raðir PSG frá Mónakó árið 2017 og er í hópi bestu leikmanna heims.
Athugasemdir
banner
banner
banner
banner