West Ham kvaddi Mark Noble í gær

Noble kom inn á 77. mínútu í stöðunni 2-2 gegn Manchester City og var tilfinningaríkur að leikslokum.

„Ég reyndi að halda andliti en tilfinningarnar báru mig ofurliði. Þetta var stórkostleg kveðja frá stuðningsmönnum á mögnuðu lokatímabili mínu hérna," sagði Noble.

„Ég hefði ekki getað beðið um betri kveðju. Það er mjög sjaldgæft í þessum fótboltaheimi að maður fái að kveðja eftir eigin höfði. Ég er þakklátur fyrir það.

„Þetta er rétti tíminn til að leggja skóna á hilluna og verja tíma með fjölskyldunni. Ég mun alltaf tengjast West Ham og ég veit að stjórnin vill halda mér innan félagsins en ég ætla fyrst að taka mér frí og hugsa svo um framtíðina.

„Ég mun liggja í sólbaði á næstu leiktíð á meðan Craig Dawson þarf að dekka Haaland."

Noble lék fyrir West Ham í 18 ár og fór aðeins tvisvar sinnum burt frá félaginu á lánssamningum. Hann á 549 leiki að baki fyrir Hamrana en á tíma sínum hjá félaginu fékk hann aldrei tækifærið með A-landsliði Englendinga þrátt fyrir að hafa verið byrjunarliðsmaður í unglingalandsliðunum.

Mark Noble was met with an incredible reception for his last home game for West Ham 👏pic.twitter.com/KNofNtGYuO

— Sky Sports News (@SkySportsNews) May 15, 2022

#ImNotCryingYouAre 💔 pic.twitter.com/YdMHHv2X8F

— West Ham United (@WestHam) May 15, 2022