Fotbolti.net
16.12.20 - 13:49
Magnús Már Einarsson

Berglind Rós til Örebro (Staðfest)

Berglind Rós til Örebro (Staðfest)
Canon

Mynd: Fótbolti.net - Hafliði Breiðfjörð

Kvennaboltinn
Sænska félagið Örebro hefur fengið Berglindi Rós Ágústsdóttur í sínar raðir frá Fylki.

Hin 25 ára gamla Berglind hefur verið í lykilhlutverki hjá Fylki undanfarin ár en hún hefur verið fyrirliði liðsins.

Berglind er varnar og miðjumaður en hún spilaði sinn fyrsta A-landsleik á þessu ári.
„Ég er ánægð með að skrifa undir hjá einu stöðugasta félaginu í Svíþjóð. Að semja við KIF Örebro er draumur að rætast," sagði Berglind á heimasíðu Örebro.

Fleiri erlend félög sýndu áhuga á að fá Berglindi en Rickard Johansson þjálfari Örebro sannfærði hana um að það væri rétta liðið

„Þegar Rickard hafði samband við mig og sagði mér frá framtíðaráætlunum félagsins fannst mér eðlileg að velja KIF," sagði Berglind.

Örebro endaði í 7. sæti í sænsku úrvalsdeildinni á nýliðnu tímabili. Edda Garðarsdóttir og Ólína Viðarsdóttir spiluðu með liðinu á sínum tíma.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.