Fotbolti.net
17.01.15 - 21:20
Alexander Freyr Tamimi

Ronaldo og Irina Shayk hætt saman (Staðfest)

Bál ástarinnar hefur kulnað hjá Shayk og Ronaldo.

Bál ástarinnar hefur kulnað hjá Shayk og Ronaldo.

Canon

Mynd: Getty Images

Nú hefur það fengist endanlega staðfest að þau Cristiano Ronaldo og Irina Shayk eru hætt saman, en ansi hávær orðrómur hefur verið í gangi um sambandsslit þeirra að undanförnu.

Talsmaður rússnesku ofurfyrirsætunnar staðfesti í samtali við slúðurblaðið \"Page Six\" að samband þeirra væri nú á enda, en þau voru saman í um fimm ár.

Orðrómarnir um að þau Ronaldo og Shayk væru hætt saman fór af stað eftir að sú síðarnefnda mætti ekki með Portúgalanum á afhendingu Gullknattarins, sem Ronaldo vann annað árið í röð.

Glöggir einstaklingar með nóg af frítíma tóku svo eftir því að þau væru hætt að fylgja hvor öðru á Twitter og það þótti ýta stoðum undir fréttirnar af sambandsslitum þeirra.

Einhverjir fjölmiðlar héldu því fram að Shayk hefði lent upp á kant við fjölskyldu Ronaldo, þá sérstaklega móður hans, en því neitaði talsmaður hennar og sagði ekkert að sambandi Shayk og fjölskyldu fótboltamannsins.
Hvorugt þeirra ætti að vera í miklum vandræðum með að finna sér nýjan maka.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.