Mohamed Salah.
Anthony Gordon.
Liverpool er sagt leiða kapphlaupið um Anthony Gordon, kantmann Newcastle, en á sama tíma eru háværar sögur um það að Mohamed Salah sé að leika sitt síðasta tímabil hjá félaginu.
Umræða um framtíð 33 ára Egyptans hefur verið í fullum gangi síðan hann skaut á stjóra sinn, Arne Slot, í eldfimu viðtali fyrir áramót.
Ólgan minnkaði eftir að Salah kom til baka úr Afríkukeppninni og hann skoraði og lagði upp í bikarsigrinum gegn Brighton um liðna helgi.
Umræða um framtíð 33 ára Egyptans hefur verið í fullum gangi síðan hann skaut á stjóra sinn, Arne Slot, í eldfimu viðtali fyrir áramót.
Ólgan minnkaði eftir að Salah kom til baka úr Afríkukeppninni og hann skoraði og lagði upp í bikarsigrinum gegn Brighton um liðna helgi.
Það eru hins vegar enn í gangi háværar sögur um að hann fari til Sádi-Arabíu næsta sumar. Samningur hans við Liverpool rennur út sumarið 2027.
Gordon er sagður efstur á lista Liverpool ef Salah fer í sumar en Magnús Haukur Harðarson, stuðningsmaður Liverpool, sló á létta strengi þegar hann var spurður út í þetta í Enski boltinn hlaðvarpinu í gær.
„Þá held ég að ég þurfi að hætta að halda með Liverpool í smá tíma," sagði Magnús Haukur léttur.
„Þú getur ekki bara losað einn besta leikmann í sögu félagsins fyrir Anthony Gordon. Það segir sig sjálft."
Gordon, sem er 24 ára, hefur á þessu tímabili skorað tíu mörk í 35 leikjum fyrir Liverpool.
Hægt er að hlusta á alla umræðuna í spilurunum hér fyrir neðan. Einnig er hægt að horfa á þáttinn á Youtube en Enski boltinn var í fyrsta sinn í mynd í gær.
Athugasemdir
