---

Chelsea hefur áhuga á enska miðjumanninum Jude Bellingham (17) en Dortmund metur hann á 100 milljónir punda. (Eurosport)

Manchester United er með augastað á Wesley Fofana (20) varnarmanni Leicester. (Foot Mercato)

Liverpool vill kaupa Ousmane Dembele (23) frá Barcelona í stað Sadio Mane (29) sem hefur ekki átt gott tímabil. (Fichajes)

Arsenal hefur áhuga á Martin Satriano (20), framherja Inter Milan, en Chelsea og Manchester City eru einnig að fylgjast með honum. (Mail)

David Alaba (28), leikmaður Bayern München, er búinn að gera samning við Real Madrid en það verður ekki tilkynnt fyrr en eftir yfirstandandi tímabil. (Marca)

Manchester City ætlar að bjóða Phil Foden (20) nýjan samning sem mun færa honum 100 þúsund pund í vikulaun. (Mirror)

Tottenham hefur áhuga á Emerson (22), brasilískum bakverði Barcelona sem er núna á láni hjá Real Betis. (Mundo Deportivo)

Spurs ætlar líka að hitta fólk sem starfar fyrir danska miðvörðinn Joachim Andersen (24) varðandi möguleg félagaskipti í sumar. Andersen er á láni hjá Fulham frá Lyon. (Express)

Mauricio Pochettino, stjóri Paris Saint-Germain, er vongóður um að stórstjörnur félagsins, Kylian Mbappe (22) og Neymar (29), verði áfram hjá félaginu í sumar. (Cadena SER)

Real Madrid vill selja Gareth Bale (31) og Raphael Varane (27) til að fjármagna kaup á bæði Mbappe og Erling Braut Haaland (20), sóknarmanni Borussia Dortmund. (Marca)

Lucas Torreira (25), miðjumaður Arsenal sem er núna á láni hjá Atletico Madrid, segist vilja fara til Boca Juniors í Argentínu á láni. (Perfil Bulos)

West Ham er í kjörstöðu til að kaupa franska sóknarmanninn Odsonne Edouard (23) frá Celtic þar sem Leicester er að efast um það hvort það vilji kaupa hann. (Football Insider)

Andre Silva (25), sóknarmaður Eintracht Frankfurt sem hefur verið orðaður við Atletico og Manchester United, er ekki með riftunarákvæði í samningi sínum. (Goal)

Barcelona hefur einnig fylgst með Silva en ætlar ekki að kaupa hann. (Mundo Deportivo)

Það gengur illa í viðræðum Liverpool við miðjumanninn Georginio Wijnaldum (30) og hann gæti farið á frjálsri sölu eftir tímabilið. (Liverpool Echo)

Ibrahima Konate (21), miðvörður RB Leipzig, segist ekki hafa heyrt frá Liverpool þrátt fyrir að hafa verið mikið orðaður við félagið. (Bild)

Luka Modric (35) hefur samþykkt launalækkun til að skrifa undir nýjan eins árs samning við Real Madrid. (AS)