Real Madrid sýnir Mac Allister áhuga - Greenwood eftirsóttur - Mourinho til Tyrklands? - Slot vill fá Silva
banner
   mið 17. apríl 2024 11:03
Elvar Geir Magnússon
Lykilmenn mættir aftur til æfinga hjá West Ham - Erfitt verkefni bíður
Jarrod Bowen.
Jarrod Bowen.
Mynd: EPA
West Ham bíður erfitt verkefni á morgun fimmtudag þegar liðið leikur seinni leik sinn gegn Bayer Leverkusen í 8-liða úrslitum Evrópudeildarinnar. Þýska liðið vann fyrri leikinn 2-0.

Vængmaðurinn Jarrod Bowen og miðjumaðurinn Kalvin Phillips tóku báðir þátt í æfingu West Ham í morgun en fjölmiðlamenn fengu að fylgjast með fyrstu fimmtán mínútum æfingarinnar.

Bowen er markahæsti leikmaður West Ham en hann hefur misst af síðustu tveimur leikjum liðsins vegna hnémeiðsla, þar af fyrri leiknum í Leverkusen.

Miðjumaðurinn Phillips, sem er á láni frá Manchester City, hefur misst af síðustu tveimur leikjum vegna meiðsla.

Þá er markvörðurinn Alphonse Areola einnig mættur aftur til æfinga en hann hefur misst af fjórum síðustu leikjum vegna nárameiðsla.

David Moyes vonast til þess að allir þrír verði leikfærir á morgun gegn Leverkusen, sem innsiglaði þýska meistaratitilinn um síðustu helgi.
Athugasemdir
banner
banner
banner