Kjartan Henry Finnbogason mætti aftur í treyju KR í kvöld eftir langa veru erlendis, hann spilaði sinn fyrsta leik í endurkomunni á Meistaravöllum í 3-2 tapi gegn Val.
Lestu um leikinn: KR 2 - 3 Valur
„Það er fúlt að tapa öllum leikjum, sérstaklega á móti Val, ég er hundfúll.''
Hverni líður Kjartani með að vera kominn heim?
„Mér líður ótrúlega vel, ég á heima hér og það hlaut að koma að þessu, ég er ótrúlega spenntur. Tímabilið er rétt að byrja, fjórir leikir búnir og mér finnst við sýna það í dag þó við fáum engin stig að við erum hörku lið þegar við trúum á það, það er leikur strax eftir nokkra daga.''
„Maður fær yfirleitt bara það sem maður gefur í leikina, við byrjuðum bara hræðilega í seinni hálfleik og það er það sem verður okkur að falli.''
Viðtalið í heild sinni má sjá í spilaranum hér að ofan en þar ræðir Kjartan nánar um heimkomuna, lengd samningsins og sögusagnir fyrr í vetur.
Athugasemdir
