ÍBV 0 - 2 Víkingur R.
0-1 Óskar Borgþórsson ('51)
0-2 Gylfi Þór Sigurðsson ('56)
0-1 Óskar Borgþórsson ('51)
0-2 Gylfi Þór Sigurðsson ('56)
Lestu um leikinn: ÍBV 0 - 2 Víkingur R.
Íslandsmeistarar Víkings R. heimsóttu ÍBV til Vestmannaeyja í fyrsta leik dagsins í Bestu deild karla og var staðan markalaus í leikhlé.
Víkingar héldu boltanum meira en sköpuðu ekki alvöru færi í bragðdaufum fyrri hálfleik. Þeir náðu þó forystunni strax í upphafi síðari hálfleiks þegar Óskar Borgþórsson skallaði fyrirgjöf frá Elíasi Má Ómarssyni í netið. Hægt er að setja spurningarmerki við Ara i Haraldstovu Petersen markvörð sem átti að gera betur samkvæmt textalýsingu.
Fimm mínútum síðar tvöfaldaði Gylfi Þór Sigurðsson forystuna með draumamarki fyrir aftan miðju. Ari markvörður reyndi að spyrna boltanum fram en dreif ekki lengra heldur en að miðjuboganum rétt fyrir aftan miðlínuna. Þar tók Gylfi Þór á móti boltanum og setti hann í autt mark.
Eyjamenn ógnuðu ekki mikið eftir þetta og urðu lokatölur 0-2 fyrir Víking sem fer á topp deildarinnar í bili, með 19 stig eftir 7 umferðir. ÍBV situr áfram á botninum með 1 stig.
Víkingur getur misst toppsætið aftur til KR þegar Vesturbæingar mæta til leiks á heimavelli gegn Fram seinnipartinn.
