Sölvi Geir Ottesen
Gylfi Þór skoraði fyrir aftan miðju
Sölvi Geir Ottesen, þjálfari Víkings, var sáttur með sína menn í 2-0 sigrinum á ÍBV á Hásteinsvelli í dag.
Lestu um leikinn: ÍBV 0 - 2 Víkingur R.
Víkingar voru í löngu ferðalagi til að komast í leikinn sem var ekkert sérstaklega mikið fyrir augað.
Gestirnir náðu að klára þetta í seinni hálfleik með mörkum frá Óskari Borgþórssyni og Gylfa Þór Sigurðssyni.
„Sáttur og sáttur að hafa komið hingað. Þetta var langt ferðalag og tekið tæpar sex klukkustundar að fara frá Þorlákshöfn og höfðum mikið fyrir því að koma hingað og fara héðan með þrjú stig.“
„Ekki heldur það fallegasta sem ég hef séð. Mér fannst aðstæðurnar gera okkur erfitt fyrir og sérstaklega í fyrri hálfleik. Það blés sterkt á annað markið á móti okkur í fyrri hálfleik, en það voru góðir kaflar inn á milli þar sem við vorum að spila vel og koma okkur í kringum teiginn en það fór allt of mikill tími þegar boltanum var sparkað á hinn helminginn og komast aftur á hinn teiginn þar sem við vildum vera.“
„Þetta var betra í seinni hálfleik eins og við bjuggumst við, en að sama skapi hreifst ég af ÍBV, baráttuviljann og kraftinn í þeim fram að lok leiksins,“ sagði Sölvi við F'otbolta.net.
Víkingar náðu að nýta sér vindinn betur en heimamenn. Gestirnir innsveiflu horn á meðan Eyjamenn tóku þau stutt eða spyrntu boltanum í útsveiflu.
„Það kom mér svo sem á óvart að þeir tóku stutt horn og 'out swing' horn. Þegar þú ert með vindinn viltu frekar taka 'in-swing' horn og það er þannig. Það er kannski eitthvað sem þeir sáu sem ég veit ekki um þegar það kemur að föstum leikatriðum, en við töluðum um það að þetta gerist ekki að sjálfu sér í seinni hálfleik. Þegar þú færð vindinn í bakið þá heldur þú að það sé léttara og færð flugu í hausinn að þú getir slakað á. Við tókum það fyrir og fannst leikmenn mínir gera það vel að halda áfram að reyna og skapa sér og sá engan sofandahátt eða kæruleysi.“
Gylfi Þór skoraði frábært mark frá miðju Sölvi Geir mælir ekki með því fyrir markverði að spyrna boltanum á Gylfa.
„Það er búið að gerast fyrr á tímabilinu í fyrsta leik þar sem markvörðurinn var kominn út úr markinu og sendi á Gylfa. Ég mæli ekki með því,“ sagði hann í lokin.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 9 | 1 | 0 | 34 - 6 | +28 | 28 |
| 2. KR | 10 | 8 | 1 | 1 | 38 - 23 | +15 | 25 |
| 3. Fram | 9 | 6 | 2 | 1 | 25 - 16 | +9 | 20 |
| 4. Breiðablik | 9 | 4 | 3 | 2 | 22 - 15 | +7 | 15 |
| 5. Valur | 10 | 5 | 0 | 5 | 19 - 22 | -3 | 15 |
| 6. ÍA | 9 | 3 | 3 | 3 | 12 - 16 | -4 | 12 |
| 7. Keflavík | 9 | 3 | 2 | 4 | 12 - 18 | -6 | 11 |
| 8. KA | 9 | 3 | 1 | 5 | 12 - 15 | -3 | 10 |
| 9. Stjarnan | 10 | 3 | 1 | 6 | 18 - 22 | -4 | 10 |
| 10. Þór | 9 | 2 | 0 | 7 | 7 - 23 | -16 | 6 |
| 11. ÍBV | 9 | 1 | 2 | 6 | 14 - 23 | -9 | 5 |
| 12. FH | 9 | 0 | 2 | 7 | 12 - 26 | -14 | 2 |
