Championship: Andri Lucas skoraði tvö í grátlegu tapi

Landsliðsmaðurinn hefur farið á kostum í upphafi tímabilsins og verið helsta ógn Blackburn í sóknarleiknum.

Hann var heldur betur í stuði í dag og skoraði tvö mörk á fyrstu tólf mínútunum sem komu Blackburn í 2-0 forystu. Þetta voru fimmta og sjötta mark Andra í deildinni á tímabilinu, en þrátt fyrir draumabyrjunina átti Blackburn eftir að kasta sigrinum frá sér.

Barney Stewart minnkaði muninn fyrir WBA á 19. mínútu og Isaac Price jafnaði úr vítaspyrnu á 72. mínútu. Andra var síðan skipt af velli skömmu síðar, en það átti eftir að versna enn frekar fyrir Blackburn.

Undir lok leiksins skoraði Felix Myhre sigurmark WBA og fullkomnaði ótrúlega endurkomu gestanna. Grátleg niðurstaða fyrir Blackburn sem er í tíunda sæti deildarinnar með 15 stig, á meðan WBA situr í fimmta sæti með 20 stig.

Mörk Andra má sjá neðst í fréttinni.

West Ham vann á sama tíma mikilvægan 1-0 sigur á Swansea í toppslag deildarinnar, en hinn 19 ára gamli Divine Mukasa, sem er á láni frá Manchester City, skoraði eina mark leiksins.

Með sigrinum komst West Ham upp í annað sæti deildarinnar með 22 stig, aðeins einu stigi á eftir Swansea sem heldur toppsætinu að sinni.

Birmingham 3 - 0 QPR
1-0 Liam Millar ('27 )
2-0 Liam Millar ('49 )
3-0 Demarai Gray ('90 )

Bristol City 0 - 1 Sheffield Utd
0-1 Ollie Arblaster ('5 )

Derby County 0 - 1 Stoke City
0-1 Luke Graham ('49 )

Norwich 0 - 1 Portsmouth
0-1 Marko Milovanovic ('51 , víti)

Southampton 0 - 0 Bolton

Swansea 0 - 1 West Ham
0-1 Divine Mukasa ('34 )

West Brom 3 - 2 Blackburn
0-1 Andri Gudjohnsen ('6 )
0-2 Andri Gudjohnsen ('12 )
1-2 Barney Stewart ('19 )
2-2 Isaac Price ('72 , víti)
3-2 Felix Horn Myhre ('89 )

Wrexham 4 - 1 Preston NE
1-0 Joe Worrall ('31 )
1-1 Alfie Devine ('36 )
2-1 Ben Whiteman ('42 )
3-1 Toby Samuel Smith ('59 )
4-1 Kieffer Moore ('63 )