Stefán Teitur lék allan leikinn - Nökkvi byrjaði gegn toppliðinu

Stefán Teitur Þórðarson var í byrjunarliði Hannover sem gerði jafntefli við St. Pauli í næstefstu deild þýska boltans.

Stefán Teitur lék allan leikinn fyrir Hannover sem á 8 stig eftir 8 umferðir, en Gísli Gottskálk Þórðarson var ekki í hóp hjá St. Pauli vegna meiðsla.

St. Pauli er með þremur stigum meira heldur en Hannover.

Á svipuðum tíma var Nökkvi Þeyr Þórisson í byrjunarliði Telstar sem tapaði heimaleik gegn taplausu toppliði Feyenoord eftir afar fjörugan slag í efstu deild í Hollandi.

Nökkvi Þeyr lék fyrstu 65 mínúturnar áður en honum var skipt af velli í stöðunni 2-4, en lokatölur urðu 3-4.

Telstar er aðeins komið með 6 stig eftir 9 fyrstu umferðirnar.

Hannover 1 - 1 St. Pauli

Telstar 3 - 4 Feyenoord