Bauluðu á úrvalsdeildarlagið

Lærlingar Enzo Maresca eiga 21 stig eftir 7 fyrstu umferðirnar og eru, sem stendur, með sex stiga forystu á Englandsmeistara Arsenal.

Fyrir upphafsflautið í Manchester í dag mátti sjá gríðarlega mikið magn af ofvöxnum banönum meðal stuðningsmanna Man City í stúkunni.

Þegar úrvalsdeildarlagið var svo spilað fyrir leik mátti heyra mikið baul koma frá áhorfendapöllunum, enda eru stuðningsmenn Man City afar ósáttir með stjórn ensku úrvalsdeildarinnar. Úrvalsdeildin gæti endað á að refsa City grimmilega fyrir alvarleg brot á fjármálareglum deildarinnar, sem voru gerð verri með lygum og yfirhylmingum. City var dæmt sekt í málinu en hefur áfrýjað og verður möguleg refsing ekki kveðin fyrr en áfrýjunarferlinu lýkur.

„Stemningin var mjög góð. Stuðningsmenn, félagið og leikmenn eru öll saman í þessari vegferð," sagði Enzo Maresca þjálfari eftir lokaflautið, en rúmlega 60 þúsund manns mættu á völlinn sem er nýtt áhorfendamet á Etihad.