17.12.20 - 18:00
Sæbjörn Þór Þórbergsson Steinke
Faouzi í Leikni F. (Staðfest) - Lék undir stjórn Bielsa


Mynd: Leiknir F


Mynd: Leiknir F
Faouzi Taieb Benabbas skrifaði í gær undir samning við Leikni Fáskrúðsfirði og mun leika með félaginu á komandi tímabili í 2. deildinni.
Faouzi er hávaxinn og öflugur miðvörður sem lék með Fjarðabyggð á síðasta tímabili og stóð sig mjög vel. Faouzi sem er 23 ára, spilaði 20 leiki og gerði í þeim tvö mörk.
Faouzi verður fyrsti franski knattspyrnumaðurinn til að spila fyrir Leikni og ekki seinna vænna í franska bænum.
Faouzi er uppalinn í Marseille, hjá samnefndu félagi og einn af þjálfurum hans þar var sá litríki Marcelo Bielsa sem í dag þjálfar Leeds Utd á Englandi. Frá Frakklandi fór hann til Bandaríkja norður Ameríku, þar sem hann lék í háskólaboltanum.
„Við bjóðum Faouzi hjartanlega velkominn í Leikni og hlökkum til að fá hann í hópinn, fljótlega á nýju ári," segir í tilkynningu Leiknis.
Faouzi verður fyrsti franski knattspyrnumaðurinn til að spila fyrir Leikni og ekki seinna vænna í franska bænum.
Faouzi er uppalinn í Marseille, hjá samnefndu félagi og einn af þjálfurum hans þar var sá litríki Marcelo Bielsa sem í dag þjálfar Leeds Utd á Englandi. Frá Frakklandi fór hann til Bandaríkja norður Ameríku, þar sem hann lék í háskólaboltanum.
„Við bjóðum Faouzi hjartanlega velkominn í Leikni og hlökkum til að fá hann í hópinn, fljótlega á nýju ári," segir í tilkynningu Leiknis.
