England í dag - Setur Arsenal enn meiri pressu á Liverpool?

Fimm leikir eru á dagskrá í ensku úrvalsdeildinni í dag.

Í hádeginu mætast tvö sjóðandi heit lið en Newcastle hefur unnið átta leiki í röð og Bournemouth ekki tapað í síðustu níu leikjum.

Liverpool hefur misstigið sig í tveimur leikjum í röð og Arsenal getur minnkað forskotið á toppnum niður í allt að eitt stig með sigri á Aston Villa í lokaleik dagsins en Liverpool heimsækir Brentford.

Leicester getur komist upp úr fallsæti með sigri á Fulham sem tapaði gegn West Ham í síðustu umferð. West Ham fær Crystal Palace í heimsókn.