Breiðablik tapaði 1-4 gegn sænska liðinu Håcken á Kópavogsvelli í kvöld og samanlagt 1-11 í einvígi þeirra í 8. liða úrslitum Evrópubikarsins.
„Allt önnur frammistaða en við sýndum í síðustu viku og ég held að það sé klárega eitthvað sem við getum byggt ofan á." Svaraði Elísa Viðarsdóttir nýr leikmaður Breiðabliks aðspurð um fyrstu tilfinningarnar eftir leikinn.
Lestu um leikinn: Breiðablik 1 - 4 Häcken
„Liðið var svekkt eftir frammistöðuna síðast og vorum staðráðnar í því að mæta hérna í dag á Kópavogsvöll og sýna okkar fólki að munurinn væri ekki svona mikill og ég held að við höfum alveg sýnt sjálfum okkur það og sýnt þannig frammistöðu að það hefði ekki einu sinnio þurft að vera 4-1 tap miðað við frammistöðuna. Þannig við erum ánægðar með frfammitsöðuna og gott svar við síðasta leik."
„Við lögðum mikla vinnu á okkur í þessari viku í aðdraganda leiksins að loka ákveðnum svæðum og loka á ákveðna leikmenn hjá þeim og ég held að það hafi tekist svona þrátt fyrir að þær skori fjögur mörk."
„Þær eru líka bara frábærar í fótbolta og um leið og þær fá tíma á boltann eru þær fljótar að refsa en við fengum mörg svör í dag og miklu, miklu betri frammistaða en í síðustu viku."
Elísa skoraði eina mark Breiðabliks í þessu einvígi og sitt fyrsta mark fyrir Breiðablik
„Ég smellhitti hann og ekki skemmir fyrir að Fanney hafi verið í markinu. Ég skoraði nokkur svona á hana á Hlíðarenda á æfingum en það var geggjað að gera það í keppnisleik."
Hvernig líður Elísu að vera komin í græna treyju?
„Mér líður mjög vel, það er búið að taka rosalega vel á móti mér hérna í Breiðablik og bara frábær hópur, frábært þjálfarateymi, frábær umgjörð og mér líður bara mjög vel."
Viðtalið í heild má finna í spilaranum hér að ofan
