Ísland tapaði naumlega 0-1 gegn Evrópumeisturum Englands í kaflaskiptum leik í undankeppni HM í dag. Virkilega góð frammistaða hjá Íslandi og sérstaklega varnarlega, en vantaði smá heppni í sóknarleiknum til þess að landa stigi.
Lestu um leikinn: Ísland 0 - 1 England
Cecilía Rán Rúnarsdóttir – 7
Hún ásamt varnarlínunni kom klárlega í veg fyrir að tapið yrði stærra. Varði oft á tíðum mjög vel og í návígum var örugg í sínum aðgerðum.
Glódís Perla Viggósdóttir – 7 Maður leiksins
Fyrirliðinn var mjög sterk varnarlega og leiddi sitt lið í dag. Sló svo landsleikjametið í þokkabót, er nú leikjahæsti leikmaðurinn frá upphafi.
5. Emilía Kiær Ásgeirsdóttir - 6
Var í byrjunarliðinu í fyrsta skipti í dag, stóð sig fínt inn á miðjunni, setti þó fyrstu hornspyrnu liðsins beint útaf.
6. Ingibjörg Sigurðardóttir - 6
Var fín í dag og stóð vaktina vel líkt og öll varnarlínan.
8. Alexandra Jóhannsdóttir – 6,5
Var leiðtoginn inn á miðjunni og varðist mjög vel. Er sem fyrr sterk inn í teignum.
9. Diljá Ýr Zomers - 6
Var dugleg í dag bæði varnar- og sóknarlega. Datt niður í 5 mannavörn en var fljót að koma sér ofar í pressu þegar Ísland komst ofar.
17. Ída Marín Hermannsdóttir – 5,5
Gerði sitt fínt en missti Hamp frá sér í markinu.
18. Guðrún Arnardóttir – 6
Stóð vaktina fínt í vörninni í dag.
19. Sædís Rún Heiðarsdóttir – 6
Var fín hélt Lucy Bronze vel í skefjum en missti Hemp framúr sér í markinu. Átti frábæra aukaspyrnu í seinni hálfleik sem munaði litlu að Ísland skoraði úr.
22. Linda Líf Boama – 5
Hennar fyrsti leikur í byrjunarliðinu, hafði úr mjög litlu að moða fram á við og virkaði á köflum frekar týnd, sérstaklega í fyrri hálfleik. Var betri í seinni hálfleiknum.
23. Sveindís Jane Jónsdóttir - 6,5
Hafði eins og Linda úr litlu að moða fram á við en var fín varnarlega í fyrri hálfleik. Alltaf með stórhættuleg löng innköst. Miklu betri í seinni hálfleik
Varamenn:
Sandra María Jessen – 5,5
Hildur Antonsdóttir - 6
Hafrún Rakel – 6
Katla Tryggvadóttir – 6
Aðrar spiluðu ekki nóg til að fá einkunn.
