Roy Hodgson og aðstoðarmaður hans, Ray Lewington.
Talið er líklegt að Crystal Palace staðfesti það síðar í þessum mánuði að Roy Hodgson verði ekki áfram við stjórn liðsins.
Samningur hins 73 ára gamla Hodgson rennur út í sumar en hann hefur stýrt liðinu frá því í september 2017.
Hodgson hefur komið inn með stöðugleika en nú er spurning hvort Crystal Palace vilja ekki fara að lyfta sér ofar, og spila skemmtilegri fótbolta.
Crystal Palace er að skoða stjóramálin en það verður spennandi að sjá hver tekur við.
INews tók saman lista yfir nokkra stjóra sem gætu tekið við Palace í sumar.
Frank Lampard - Fyrrum stjóri Chelsea er á lausu.
Eddie Howe - Gerði magnaða hluti með Bournemouth og er í leit að nýju félagi.
Valérien Ismaël - Fyrrum leikmaður Crystal Palace sem hefur verið að gera flotta hluti með Barnsley.
Sean Dyche - Er Dyche tilbúinn að skipta frá Burnley?
Scott Parker - Fulham féll en hlutabréfin hækkuðu í Scott Parker.
Steve Cooper - Hefur unnið flott starf með Swansea.
Patrick Vieira - Er án félags eftir að hafa starfað fyrir New York City FC og Nice.
Athugasemdir
